អាជ្ញាធរខេត្តសៀមរាប ៖ អាជីវករនិងអ្នកពាក់ព័ន្ធមួយចំនួននៅផ្សារក្រោមនឹងទទួលរងទណ្ឌកម្មតាមផ្លូវច្បាប់ដោយសារមិនបំពេញកាតព្វកិច្ចយកសំណាក និងចត្តាឡីស័កនៃការទប់ស្កាត់ការឆ្លងរាលដាលជំងឺកូវីដ១៩
(សៀមរាប) រដ្ឋបាលខេត្តសៀមរាប បានធ្វើការណែនាំដល់អាជីវករ និងអ្នកពាក់ព័ន្ធនឹងព្រឹត្តការណ៌នៃការឆ្លងកូវីត១៩ នៅផ្សារក្រោម ភូមិវិហារចិន សង្កាត់ស្វាយដង្គំ ក្រុងសៀមរាប រួសរាន់សហការជាមួយក្រុមគ្រូពេទ្យដើម្បីសំណាកធ្វើតេស្តជាបន្ទាន់។ ដោយឡែកចំពោះ អ្នកបានយកសំណាករួចហើយ ត្រូវធ្វើច័ត្តាឡីស័កតាមផ្ទះរៀងខ្លួនឲ្យបានត្រឹមត្រូវរយៈពេល១៤ថ្ងៃ។ នេះបើតាមសំណេរក្នុងទំព័រហ្វេសបុករបស់រដ្ឋបាលខេត្តសៀមរាបនៅថ្ងៃទី១៨ ខែមេសា ឆ្នាំ២០២១នេះ។
រដ្ឋបាលខេត្តសៀមរាប បានអំពាវនាវដល់អាជីវករ និងអ្នកពាក់ព័ន្ធមួយចំនួននៅផ្សារក្រោមដែលមិនបានអនុវត្តបានសហការ និងអនុវត្តបានត្រឹមត្រូវ សូមរួសរាន់មកយកសំណាក និងធ្វើចត្តាឡីស័កជាបន្ទាន់ក្នុងរយៈ ២ថ្ងៃ ចាប់ពីថ្ងៃជូនដំណឹងនេះតទៅ។ ក្នុងករណីខកខាន បុគ្គលទាំងនោះ នឹងទទួលខុសត្រូវចំពោះមុខច្បាប់ជាធរមាន៕
ព័ត៌មានជាច្រើនទៀតសម្រាប់អ្នក
